Select a page

Obradoiro de iniciación ao manga

21 e 28 de novembro

obradoiro de iniciación ao manga

11.30h A partir de 12 anos

Neste obradoiro achegarémonos ao mundo do manga, coñeceremos as súas orixes así como a súa clasificación por xénero. Analizaremos que elementos compoñen unha páxina de manga e aprenderemos a usalos e deste xeito os “bocadillos” deixarán de ser un petisco para converterse nun elemento máis para construír as nosas propias historias.

Esta será a nosa folla de ruta:
• ¿Que é o Manga?
• Orixes e historia
• Xéneros, correntes e estilos
• Elementos que compoñen unha páxina de cómic
• Regras de composición
• Tipos de viñetas, transicións e recursos visuais
• Plans cinematográficos
• Globos, texto e efectos
• Remates finais: Tramas e cor
• Composición dunha páxina de cómic

Nesta ligazón podes ler con calma o protocolo COVID-19 que temos no local.

 

IMPARTIDO POR: CARLOTA QUINTANA

Nacida en Vigo, leva debuxando dende que ten memoria, asistiu a clases de debuxo e pintura na escola e dende entón non se separou do mundo da arte dun xeito ou doutro. Estudou 1º de Belas Artes e despois 2 anos de fotografía artística ata que atopou o que realmente lle gustaba, o deseño gráfico. Todos eses estudos ensináronlle moitas cousas que aplica ao seu actual traballo no mundo do cómic.

Entre 2007 e 2009 impartiu clases de debuxo manga no Centro Cívico de Teis. E dende entón publicou diversos traballos tanto de xeito individual como colectivo, participou en eventos tanto a nivel nacional como internacional e realizou varias masterclasses. En 2015 colaborou na fundación do colectivo de autoedición a nivel nacional coñecido como No Es Un Hobby, co que actualmente traballa cóbado con cóbado para levar a autoedición ao lugar que merece na escena editorial.

SÁBADOS 21 E 28 DE NOVEMBRO
DE 11.30H A 13.30H.
APORTACIÓN: 40€ (4H.)

 

Apúntome!